Гүлнара Құрамбаева — пианист, Қазақстанның еңбек сіңірген қайраткері, Жамбыл атындағы Қазақ мемлекеттік академиялық филармониясының солисті.  Г.Құрамбаева  Тао Лин (Қытай), Александр Поляничко, Анатолий Левин, Валентин Урюпин, Петр Грибанов (Ресей), Дориан Уилсон (АҚШ), Қанат Омаров, Павел Тарасевич, Ерболат Ахмедьяров, Муслим Әмзе, Әділ Бестембеков (Қазақстан) сынды дирижерлермен, сондай-ақ солистермен ҚР Халық әртісі Жәния Әубәкірова, Федор Артамонов, Еркебұлан Сапарбаев (Қазақстан), Даниил Копылов, Юрий Диденко (Ресей), Оливье Дуаз (Франция) және Т.Әбдірашев атындағы ҚР мемлекеттік академиялық симфониялық оркестрі, Қарағанды симфониялық оркестрі, Құрманғазы атындағы Қазақ Ұлттық консерваториясының Студенттік симфониялық оркестрі, «Қазақстан камератасы» мемлекеттік классикалық музыка ансамблі, Маңғыстау симфониялық оркестрі және т.б. ұжымдармен өнер көрсетті.

Қарағанды, Павлодар, Өскемен, Семей, Петропавл, Жезқазған, Ақтөбе, Алматы, Ақтау, Талдықорған және т.б. қалаларда, сондай-ақ шет елдерде (Грузия, Литва) шеберлік сыныптарын өткізді.

Алматыда Халықаралық пианистер байқауы, November Music Fest классикалық музыка фестивалі, «SILK WAY» жобасы (Қытайдың 30-дан астам қаласында 35 концерт: Шанхай, Нанкин, Уси, Джухай, Ксиамен, Сиань, Дженджоу, Циндао, Далянь және т.б.) сияқты халықаралық жобаларға қатысты.

Г.Құрамбаеваның оқушылары Новосибирск, Санкт-Петербург, Мәскеу, Екатеринбург, Уфа, Астана, Алматы, Павлодар, Друскининкай, Висагинас, Гамбург, Зальцбург, Ташкент, Сумы, Батуми, Баку сияқты қалаларда өткен ұлттық және халықаралық конкурстардың лауреаттары мен дипломанттары атанды. Жарқын оқушысының  бірі-халықаралық байқаулардың лауреаты, белгілі қазақстандық пианист, Қазақстанның еңбек сіңірген қайраткері Әлім Бейсембаев.