Республикалық және халықаралық байқаулар мен фестивальдердің лауреаты. 2012 жылы мәдениет және өнер саласындағы жемісті еңбегі үшін Қазақстан Республикасы Мәдениет және спорт министрлігінің «Құрмет грамотасымен», «Мәдениет саласының үздігі» төс белгісімен марапатталды. Елімізбен шет елдерде өткен мәдениет күндеріне қатысты: 2007 ж. – Одесса (Украина), 2008 ж. – Штутгарт (Германия), 2012 ж. – Париж (Франция), 2013 ж. – Үрімші (Қытай) , Минск (Беларусь) , 2015 — Ницца (Франция). 2016 жылы Сербия астанасы Белградта өнер көрсетті. М.Қазыбекқызы барлық мәдени іс-шараларға және республика бойынша гастрольдік сапарларға белсене қатысады, онда қазақ халық музыкасын лайықты насихаттауда. Репертуарында халық әндері, халық композиторлары – Сүйінбай, Жамбыл, сонымен қатар қазіргі қазақ композиторларының әндері бар.