Жаңа жыл қарсаңындағы концерттік кеш жалғасын тапты. Қара шаңырақ қабырғасында бүгін органист, Қазақстанның еңбек сіңірген әртісі, «Құрмет» және «Парасат» ордендерінің кавалері Ғабит Несіпбаевтың «Рождество с Бахом» атты концерті өтті.
Филармониямыздың тұрақты көрермендері жаңа жылдық фестивалмен қайта қауышқанына қуанып, концерттік бағдарламаға дейін мерекелік атмосферада бір-бірін жаңа жылмен құттықтап, жылы лебіздерін білдірді. Орган музыкасының жаңа жылдық кешінің басты ерекшелігі — орган аспабындағы ұлы неміс композиторы И.С. Бахтың Рождестволық әндер тақырыбына үш хоралдар, Он төрт рождестволық хоралдар шығармалары орындалды.
Келе жатқан жаңа жыл әр адамзат үшін жаңа мүмкіндіктерге, жаңа бастамаға жол ашады. Жыл бойы арман-тілектеріңіз орындалып, жаңа үміттерге қол жеткізіңіздер. Өнерпаздарымыздың шығармашылығын тамашалауға келген әр тыңдарманның біз үшін орыны ерекше. Күні ертең Жамбыл атындағы филармониясының Philharmonic new year фестивалінің соңғы концерті екенін хабарлаймыз. Келер 2025-ші жылы жаңа бағдарламада ұйымдастырылған кештерде баршаңызды күтеміз!