20.12.2024 ж. күні Жамбыл атындағы Қазақ мемлекеттік академиялық филармониясында «New Year Fest Philharmonic» атты фестиваль аясында алғашқы болып Н.Тілендиев атындағы Академиялық фольклорлы-этнографиялық «Отырар сазы» оркестрінің «Merry Christmas» атты концерті өтті. Концерттік бағдарламада жаңа жылдық маусымның танымалкинофильмдері «Один дома», «Анастасия», «Искусственный разум», «Терминал» «Звездные войны фильмдерінен саундтректер орындалды.

Кеште Н.Тілендиев атындағы Академиялық фольклорлы-этнографиялық «Отырар сазы» оркестрінің көркемдік жетекшісі және бас дирижері Қазақстанның еңбек сіңірген қайраткері, «Парасат»,«Құрмет» ордендерінің кавалері Дінзухра Тілендиева мен Халықаралық байқаулардың лауреаты дирижер, Әбілқайырхан Бейсеков және оркестрдің сүйемелдеуінде Б.Байқадамов атындағы Мемлекеттік хор капелласы көркемдік жетекшісі және бас дирижері Қазақстанның еңбек сіңірген қайраткері, «Парасат» орденінің кавалері Бейімбет Демеуов, Ахмет Жұбанов атындағы дарынды балаларға арналған республикалық қазақ мамандандырылған музыка мектеп-интернатының «Ақтілек» ұлдар хоры, жетекшісі Адилова Айнур, Халықаралық конкурстардың лауреаттары Фархат Кубиев, Аян Байжігіт, Абылай Нұрлыбек, Толғанай Пазылақын, Ерназар Жұбан, Аяжан Қуанышаиева, Жұлдыз Байжұма, Үміт Мүсірепова және де Күләш Байсейітова
атындағы дарынды балаларға арналған Республиикалық мамандандырылған музыка мектеп-интернатының оқушысы Даяна Тілендиева өнер көрсетті.
Мерекелік кеште көрермендер ұлттық аспаптарда орындалған шетелдік шығармалардың үйлесімінен ерекше әсер алып, жаңа жылдық атмосферада балалық шаққа саяхаттады. Концерт соңында тыңдарман өнерпаздарымызғаұзақ қошемет білдіріп, ыстық ықыластарына бөледі.

Филармония өз тыңдармандарына мерекелік көңіл күй сыйлау мақсатында фестивальге үлкен дайындық жасады. Ғимараттың іші сырты және сахнаның жаңа жылдық әрленуі келушілерді ерекше сеземге бөледі.