26.12.2024 күні Жамбыл атындағы филармония шаңырағында ұжым қызметкерлерінің балаларына арналған арнайы бағдарламада жаңа жылдық шыршасы өтті. Кішкентай бүлдіршіндер «Ханшайым мен құбыжық» ертегісін тамашалап, риза болды.

Қашанда балалардың рухани дамуын негізгі мақсатына алған филармонияның іс-шарасы да арнайы өткізіліп отыр. Ортаға балалардың мереке кезіндегі сүйікті кейіпкерлері Аяз ата мен ақшақар келіп, балалардың өнерін тамашалап, арнайы сыйлықтар табыс етті. Кішкентай көңілді, кең жүректі балалар мәз-мейрам болды.

Келе жатқан жаңа 2025 жыл — әр отбасыға бақыт пен қуаныш, ғажайып сәттерді алып келсін! Болашағымыз жарқын, болашақ елдің балалары аман болсын!