Биыл Жамбыл атындағы Қазақ мемлекеттік академиялық филармониясы қазақ мәдениетінің дамуында айтарлықтай нәтижелерге қол жеткізді. Ұйымдастырылған жобалар, фестивальдер мен гастрольдер ішкі мәдени байланыстарды нығайтумен қатар, қазақ мәдениетін шет елде белсенді түрде насихаттауға да ықпал етті. Филармония 2024 жылды қорытындылап, 90 жылға аяқ басты. 2024 жылы жоспар бойынша 180 концерттен, толық 244 іс-шара өткізіліп, биылғы жылдағы ерекшелік концерттердің басым көпшілігі аншлагпен өтті. Көрермендер саны – 78164.
Сонымен қатар, филармонияның солистер құрамы толығып, жас өнерпаздардың жарыққа шығуына жол ашылды. Жыл жаңалығы – филармония қабырғасында ҚР Мәдениет және Ақпарат министрлігінің қолдауымен Мемлекеттік классикалық гитаристер квинтеті құрылды. Қазақстан және ТМД елдерінде баламасы жоқ бірегей ұжым 4 концертін жоғары деңгейде өткізді. Квинтеттің көркемдік жетекшісі, гитарист Бауыржан Жылқыбаев қазақтың күйін алты ішекті аспапқа салып, қазақ музыкасының репертуарына жаңашылдық алып келіп, өз тыңдармандарының қатарын көбейтуде.
Жылдың дәстүрлі іс-шарасы республикалық деңгейде «Өнеріміз саған – Қазақстан!» фестивалі өтті. 2022 жылдан бастап филармония қабырғасында ұйымдастырылып келе жатқан фестиваль татулық пен бірліктің тал бесігіне айналған еліміздегі түрлі этнос өкілдері өнерпаздарының қазақтың әні мен күйін орындау арқылы үлкен өнер жолына қадам басып қана қоймай, ел бірлігінің нығаюуына өз үлестерін қосуда.
Одан бөлек, қара шаңырақта КСРО Халық әртісі Анатолий Молодовтың 95 жылдық концерт-фестивалі, Халық ақыны, әнші, композитор «Алатаудың бұлбұлы» Жетісу кәсіби ән мектебінің көрнекті өкілі Кенен Әзірбаевтың 140 жылдығы, композитор, Мемлекеттік сыйлықтың лауреаты, КСРО халық әртісі Сыдық Мұхамеджановтың 100 жылдығы, Қазақстан және КСРО халық әртісі, Мемлекеттік сыйлықтың лауреаты, Социалистік Еңбек Ері, бұлбұл әнші Бибігүл Ахметқызы Төлегенованың 95 жылдығына арналған мерейтой концерттері атап өтілді.
Н.Тілендиев атындағы фольклорлы-этнографиялық «Отырар сазы» оркестрінің мамыр айында су тасқынынан зардап шеккен Қостанай өңірінің тұрғындарына елдің еңсесін көтеру мақсатында ҚР Мәдениет және ақпарат министрлігінің қолдауымен «Өз елім» атты қайырымдылық концерт ұсынды. Одан бөлек, игілік жолында қашан да қолдау берер филармония сахнасында басқа да қайырымдылық іс-шаралар өткізді. Сонымен қатар, балалар үйі, қарттар үйі, қала ардагерлері мен мүмкіндігі шектеулі жандардың қауымдастықтарымен тығыз байланыс орнатып, әркез өз тарапымыздан қолдау көрсетудеміз.
Филармония қызметкерлерінің еселі еңбегін елеп, министрлік өз тарапынан әртістерімізді мемлекеттік және ведомостволық наградалармен марапаттады. Мәдениет саласында марапат алған қызметкерлер саны: «Ерен еңбегі үшін» медаль-2 адам, «Қазақстанның еңбек сіңірген қайраткері»-1 адам, «Парасат» ордені – 2адам, «Құрмет» ордені – 1 адам, «Мәдениет саласының үздігі» төс белгісі – 4 адам, Мәдениет және ақпарат министрлігінің Алғыс хаты – 4 адам, Мәдениет және ақпарат министрлігінің Құрмет грамотасы – 4 адам және де Халықаралық байқаулардың лауреаттар саны – 2 адам, Республикалық орындар саны – 2. Бұл филармонияның үлкен жетістік.
Жыл ішінде өткен гастрольдерден Б. Байқадамов атындағы Мемлекеттік хор капелласының Венгрия мен Қытайдағы сапарын ерекше атап өтуге болады. Будапешт қаласында өткен «Budapest Music Festival» Халықаралық хорлар мен оркестрлердің фестивалінің аясында 3 концерт қойып, 2000-нан астам көрерменді тәнті етті. Мемлекеттік хор капелласы қазақ хор өнерінің алтын қорынан үздік шығармалар орындап, көрермендердің ыстық ықыластарына бөленді. Екінші халықаралық сапар Ухань қаласында өтті. Екі ел арасындағы мәдени көпірдің негізіне Қытайдың танымал халық композиторы, Қазақстанда өткізген сәттерін жырларына арқау еткен Си Синь Хай мен қазақ композиторы Бақытжан Байқадамовтың арасындағы достық арқау болған. Одан бөлек, басқа да ұжымдар республиклық көлемде Астана, Өскемен, Қостанай, Қарағанды, Қызылорда сынды қалаларға өнер сапармен барып концерттерін беріп қайтты.
2025 жылы Жамбыл атындағы Қазақ мемлекеттік академиялық филармониясының 90 жылдығы, Б.Байқадамов атындағы Мемлекеттік хор капелласының құрылғанына 90 жыл, Қазақ және КСРО Халық әртісі, Мемлекеттік сыйлықтың лауреаты, Халық қаһарманы, «Отырар сазы» оркестрінің негізін қалаушы, күйші-композитор Н.Тілендиевке 100 жыл толу мерейтойларын атап өтеді. Ендеше, жыл табысты болсын! Біз сіздер үшін – сіздер бізбен бірге болыңыздар дегім келеді.