Концерт басталғанға дейін кешке келген тыңдармандар филармония фойесінде ұйымдастырылған жаңа жылдық бағдарламаны тамашалады. Ортаға шырша қойылып, жаңа жыл мерекесінің символы Аяз ата мен ақшақар кешке келген көрермендердің 2025 жылға деген арман-тілектерін тыңдап, өнерін тамашалап, сыйлықтарын ұсынды. Іс-шарада жаңа жылдық атмосфераны сезінген көпшілік балалық шаққа саяхаттап, ерекше әсер алды.
Philharmonic New Year фестивалі аясында ұйымдастырылған ҚР Мемлекеттік үрмелі аспаптар оркестрі ХХ ғасырдағы «12 стульев» кинокомедиясынан үзінді қойылым көрсетті.
Оркестрдің көркемдік жетекшісі және бас дирижері Қазақстанның еңбек сіңірген қайраткері, «Құрмет» орденінің кавалері Қанат Ахметов. Концертте Қазақстанның еңбек сіңірген қайраткері, «Құрмет» орденінің кавалері, дирижер Александр Беляков, Қазақстанның еңбек сіңірген қайраткері, «Құрмет» орденінің кавалері Игорь Благодарный, халықаралық байқаулардың лауреаты Береке Енкебаева өнер көрсетті.
Көрермендер көңілінен ерекше орын алған концерттік бағдарлама көпшіліктің сұрауымен қаңтар айында қайта қойылатын болады.