Жаңа жыл қарсаңындағы концерттік кеш жалғасын тапты…

22.12.2024 күні Жамбыл атындағы Қазақ мемлекеттік академиялық филармониясында үшінші күн қатарынан концерттіп кеш жалғасын тапты. Қара шаңырақ сахнасында Philharmonic new year фестиваль аясында филармония солистерінің жаңа жылдық концерттік бағдарламасы өтті.

Концерт басталғанға дейін, кешке келген көрермендер филармония кіреберісінде дайындалған арнайы бағдарламаны тамашалап, жаңа жылдық атмосфераны сезінді. Кеште Қазақстанның еңбек сіңірген қайраткерлері Гүлжан Өзенбаева, Гүлнара Құрамбаева, Аида Аюпова,«Құрмет» орденінің кавалері — Еркебұлан Сапарбаев, Мәдениет қайраткері Ержан Әлімбетов, Мәдениет саласының үздіктері Мақпал Қазыбекқызы, Мұса Керімбаев , Халықаралық байқаулардың лауреаттары Жанар Сулейманова, Динара Базарбаева – Сахаман, Майа Сепп, Жанқожа Аяпов, Біржан Бәзілжан , Ермек Құрманаев, Федор Артамонов, Салауат Кәрібаев және де фортепиано партияларында Сабина Атагельдиева, Александра Наумова өнер көрсетті.

Концерттік бағдарламада классика музыкасымен қатар, қазақтың бай-қазынасының інжу-маржандарынан сыр шертілді. Тарихымыздың ғажайып шежіресі жаңа жылдық мереке қарсаңында шырқалып, тыңдармандарға ерекше әсер берді.
Жаңа жыл әр адамзат үшін жаңа мүмкіндіктерге, жаңа бастамаға жол ашады. Жаңа жылда жаңа үміттерге, жаңа армандарға қол созамыз. Сондықтан мереке – әрқайсымыз үшін ерекше. «Жаңа жыл әрбір шаңыраққа бейбіт өмір, тыныштық және мол жақсылықтар әкелсін»-деген әдемі тілекте кешіміз аяқталып, көрермендермен кезекті концертке дейін қоштастық.