Philharmonic New year fest 2-ші күн!

Хордың көркемдік жетекшісі әрі бас дирижері Қазақстанның еңбек сіңірген қайраткері, «Құрмет» және «Парасат» ордендерінің кавалері Бейімбет Демеуов. Кеште Мәдениет саласының үздігі Әсет Ахметовтің дирижерлік етуімен әлемдік рок жанрының танымал шығармалары «Wind of change», «Fragile», «Hotel California», «Final Countdown» және де The Beatles тобының репертуарындағы үздік әндерден попурри орындалды.

Концертке келген көпшілік жаңа жылдық атмосфераны филармонияға кіреберіс есіктен бастап сезініп, кеш бойы мерекелік көңіл-күйде рок музыкасындағы аңыз музыкалардан рахат алды. Концертте көрермендерге ерекше көңіл сыйлауда хормейстерлер Алтынбек Жолдыбаев, Алмат Есімханов, концертмейстер Асқар Күлшәріпов, бас гитарада Сағындық Рахимов, Еркін Ахметов, Арман Хамитов және де Халықаралық байқаулардың лауреаттары Дияр Нұрсұлтанов, Мирас Киньяров, Халид Орынқұл, Индира Құдабева, Муштери Исламова, Махмутжан Абабакриев, Ержан Жұманиязов өнер көрсетті.

Бүгінгі кеште болған әр көрермен ХХ ғасырға саяхат жасап, үздік туындыларды хордың орындауында тыңдап, құлақта жатталған ғасырдың аңыз әуендерін қайта еске алды. Концерт соңында өнерпаздарды қимай, ұзақ қошемет соғып, Б.Байқадамов атындағы мемлекеттік хор капелласымен “бис” орындады. Фестиваль аясында ұйымдастырылған филармонияның бүгінгі сахнасы әр көрерменге ерекше әсер беріп, жаңа жылдық көңіл-күй сыйлағанына қуаныштымыз!