Капелланың Көркемдік жетекшісі және бас дирижері, Қазақстанның еңбек сіңірген қайраткері, «Құрмет» орденінің кавалері — Бейімбет Демеуов.
Солистер:
Мәдениет саласының үздіктері:
Асхат Абжатов
Роза Бақбергенова
Халықаралық байқаулардың лауреаттары:
Дияр Нұрсұлтан
Халид Орынқұл
Анастасия Глушко
Бекзат Мұсаев
Ирина Гавриленко (орган)
Концертмейстер – Асқар Күлшәріпов
Бағдарламада:
- И.С.Бах «Страсти по Иоанну»
№ 38 «Wer haben ein Gesetz»
№ 54 «Lasset uns den nicht zerteilen»
№ 67 «Ruht wolh»
№ 68 «Ach Herr, las dein lieb’»
- Ф. Мендельсон — Бартольди «Баллада валпургиева ночь»
№1 «Est lacht der Mai» солист Бекзат
№4 «Vertheilt euch hier…»
№5 «Komt mit Zacken und mit Gabeln» солист Дияр Нурсултанов.
- Ф. Шуберт «Ave Maria» солистка Назерке Абралы.
- Ф. Шуберт «Ständchen» солист Асхат Абжатов.
- И.С. Бах «Страсти по Матфею» ария «О ради слёз моих» солистка Роза Бакбергенова.
- И.Брамс «Песни Любви»
№1 «Rede Mächen»
№4 «Wides Abends…»
№6 «Ein Kleiner…»
№9 «Am Donaustrande…»
Бақытжан Байқадамов атындағы Мемлекеттік хор капелласы 1935 жылы Дмитрий Мацуцинның басқаруымен Жамбыл атындағы Қазақ мемлекеттік академиялық филармониясы қабырғасында шағын хор болып құрылды. Ұжымның халық өнеріне аянбай қызмет етуінің арқасында 1939 жылы Қазақ КСР үкіметінің қаулысымен Мемлекеттік хор капелласы дәрежесі берілді. Сондықтан, хор капелласының Мемлекеттік дәрежені алғанына биыл 85 жыл толып отыр. Ал, 1935 жылдан бастау алған ұжым бүгін 89-шы концерттік маусымын ашады. Жалпы, 2025 жылы Бақытжан Байқадамов атындағы Мемлекеттік хор капелласының құрылғанына 90 жыл толады.
Ұжымның қалыптасып дамуына Борис Лебедев, Латиф Хамиди, Борис Орлов, Бақытжан Байқадамов, Галина Виноградова зор үлестерін қосты. 1959 жылдан 1991 жылға дейін хор капелласын КСРО халық әртісі, Мемлекеттік сыйлықтың лауреаты, профессор Анатолий Васильевич Молодов басқарды. Осы жылдары еліміздің музыка өнерінің дамуына қосқан үлесі үшін капеллаға 1967 жылы «Қазақстанның еңбек сіңірген ұжымы» атағы берілді. Ұжым репертуарында халық әндері мен күйлерінің хорға арналған өңдеулері, поэмалар, орыс және шетел классиктерінің көрнекті шығармаларының кантаталары мен ораториялары, сонымен қатар М.Төлебаев, Б.Байқадамов, Е. Рахмадиев, Ғ.Жұбанова, М.Сағатов, С.Мұхамеджанов сынды Қазақстандық композиторлардың туындылары орын алған. Бүгінгі күні ұжым репертуарында жалпы бес жүзден астам шығарма бар, олар әлем халықтарының 20 тілінде орындалады. Бүгінде әлемнің бірегей ұжымдарының қатарындағы капелла елімізбен қатар, алыс жақын шет елдерде, оның ішінде Қырғызстан, Өзбекстан, Ресей, Түркия, Германия, Үндістан, Қытай Республикасы, Венгрия, АҚШ елдерінде өнер көрсеткен.
Биыл Б.Байқадамов атындағы Мемлекеттік хор капелласының құрылғанына 89 жыл толып отыр. Осы жылдар да, қазір де ұжым өзінің шығармаларын жаңартып, еліміздің музыка мәдениетінің дамуы жолында өз үлесін қосып, тыңдармандардың сүйіспеншілігіне бөленіп келеді.
