Сіздерді 9 мамыр — Жеңіс күнімен Жамбыл атындағы Қазақ мемлекеттік академиялық филармониясының ұжымы атынан шын жүректен құттықтаймыз.

Бұл айтулы күн — мызғымас табандылық пен қаһармандықтың, бейбітшілік пен келісімнің нышаны. Бүгінгі ұрпақтың бақытты болашағы жолында майдан даласы мен тылда тер төккен әрбір ардагердің жанқиярлығы біз үшін мәңгілік мақтаныш пен өшпес өнеге.

Өнер мен мәдениеттің қара шаңырағы саналатын біздің ұжым атынан әр шаңыраққа амандық, мықты денсаулық және ашық аспан тілейміз. Еліміздің іргесі берік, ертеңі жарқын болсын!