Жамбыл атындағы Қазақ мемлекеттік академиялық филармониясында «ХХ26» заманауи музыка фестивалі аясында симфониялық концерт өтті. Кеш Т. Әбдірашев атындағы Мемлекеттік академиялық симфониялық оркестрдің концерттік маусымының жабылуымен ерекшеленді.
Дирижер Қанат Омаровтың жетекшілігімен ұжым өткен ғасыр мен бүгінгі күннің күрделі туындыларын орындады. Скрипкашы Еркебұлан Сапарбаев пен оркестр К. Дебюсси және Б. Барток шығармаларындағы жаңашыл музыкалық тілді шебер жеткізді.
Концерт бағдарламасында композитор Р. Ибрагимовтың «TAU» туындысының тұсаукесері өтіп, жаңа шығарманы көрермен қауым жоғары қызығушылықпен қабылдады.
