Нұрғиса Тілендиев атындағы Республикалық дирижерлер конкурсы
Конкурсты Қазақстан Республикасы Мәдениет және ақпарат министрлігі Мәдениет комитетінің қолдауымен Жамбыл атындағы Қазақ мемлекеттік академиялық филармониясының ұйымдастыру комитеті өткізеді.
Конкурстың мақсаты мен міндеттері:
1) Қазақстанның дирижерлік мектептің дәстүрлерін сақтай отырып, насихаттау, кәсіби мамандарымен әріптестік қарым-қатынас орнату, дирижерлік шеберлікті арттыру;
2) Жаңа есімдерді анықтау және таныту, талантты жастардың кәсіби өсуіне жағдай жасау;
3) Дарынды дирижерлерді анықтау және ынталандыру, таланттардың шеберлік алмасуы, Қазақстанның мәдени имиджін арттыру.
Конкурсқа Қазақстан Республикасының музыкалық өнер саласындағы 18 бен 35 – жас аралығындағы талантты жастар мен жоғары оқу орындарының студенттері қатыса алады.
Конкурс 2 кезең тұрады:
1) Дирижерлеу (І – ІІ тур, 09– 10.10.2025 ж. Үлкен зал)
2) 10.10.2025 ж. сағ 19:00 Гала-концерт
1) І кезең – 2025 жылдың 15 тамыз – 15 қыркүйек аралығында – осы Қағидалардағы 1-қосымшаға сәйкес үлгі бойынша Конкурсқа қатысу үшін өтінімдерді электрондық нұсқада мынадай құжаттар мен материалдарды (бұдан әрі – өтінім) қоса бере отырып қабылдау:
жеке басын куәландыратын құжаттың PDF көшірмелері; шығармашылық өмірбаяны;
13х18 сантиметр көлеміндегі Конкурсқа қатысушының түрлі — түсті фотосуреті (JPEG форматында);
Қазақстан Республикасының немесе шетелдік екінші деңгейдегі банкінде дербес шоттың болуы туралы анықтамалар;
білім туралы дипломның көшірмелері;
оқу орнынан анықтамалар (студенттер үшін);
байқауға қатысушының өнер көрсететін бейнеролигі.
2- 4 қосымшаларына сәйкес 1 — турда таңдауға болатын 2 туындының (ірі және кіші нысанда) өтінімі мен орындалатын шығармалар бағдарламасы, 2-турда таңдауға болатын 2 туындының (ірі және кіші нысанда) орындалатын шығармалар бағдарламасы электрондық поштаға жіберіледі: philarmon@mail.ru, анықтама телефоны: +7 727 291 71 49, +7 707 932 16 98;
2) ІІ кезең – 2025 жылдың 15 қыркүйекке дейін — осы Қағидалардың 5-тармағына және 6-тармақтың 1) тармақшасына сәйкес ұсынылған өтінімдерді қарау және қабылдау. Конкурсқа қатысушылар осы Қағидалардың 5-тармағына және 6-тармақтың 1) тармақшасына сәйкес келмеген жағдайда ұсынылған өтінімдері қарауға жатпайды;
ІІІ кезең – 1 тур. 2025 жылдың 09 қазан күні өткізіледі;
ІV кезең – 2 тур. 2025 жылдың 10 қазанда өткізіледі;
V кезең – 2025 жылдың 10 қазанда — Конкурс қорытындысын шығару және Конкурс жеңімпаздарын марапаттау және Гала-концерті өткізіледі.
